Кара-Буура районун Чыңгыз Айматов деп кайра атоо мызвмы биринчи окууда жактырылды

This post is also available in: Kyrgyz

Кыргыз Республикасынын Министрлер Кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттик тарабынан иштелип чыккан Нарын, Ош жана Талас областарынын айрым айылдарын, айыл аймактарын, Талас областынын Кара-Буура районун кайра атоо боюнча мыйзам долбоору Кыргыз Республикасынын Жогорку Кеңеши тарабынан биринчи окууда жактырылды.

Кыргыз элинин тарыхына өчпөс из калтырган, дүйнөлүк масштабдагы даңктуу жазуучу Чыңгыз Айтматовдун ысымы Кара-Буура районуна ыйгаруу коомчулук тарабынан кызуу колдоого алынууда. Ошондой эле Кочкор районунуна караштуу Кош-Дөбө айыл аймагын Ормон хан деп кайра атоо дагы ата-бабаларыбызга болгон сый урматыбыз болоору шексиз.  Бул жөрөлгө идеалогиялык жана тарыхый чечим болуп калаары анык.

Аталган мыйзам долбоору боюнча Жогорку Кеңеште Мамлекеттик кызмат жана жергиликтүү өз алдынча башкаруу иштери боюнча мамлекеттик агенттиктин директору Э.Н. Джантаев баяндама жасап, депутаттардын суроолоруна жооп берди.