КР Министрлер Кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттиктин директору Элчибек Жантаев Япониянын Кыргыз Республикасындагы Атайын жана Ыйгарым укуктуу Элчиси Хидеки Года мырзага учурашуу сапары менен келип жолугушту.

Бүгүн Агенттиктин директору Эльчибек Джантаев Япониянын Кыргыз Республикасындагы Атайын жана Ыйгарым укуктуу Элчиси Хидеки Года мырза менен жолугушту.
Жолугушууда эки тараптуу кызматташуу маселелери боюнча пикир алмашуу болду.
Агенттиктин директору Эльчибек Джантаев өз сөзүндө Хидеки Года мырзаны Япониянын Кыргызстандагы дипломатиялык миссиясынын башчысы болуп дайындалышы менен куттуктап, ошондой эле Агенттиктин ишмердүүлүгү менен кыскача тааныштырды.
Өз кезегинде элчи мырза Япониянын мамлекеттик башкаруу тармагындагы тажрыйбасы менен бөлүштү, атап айтканда, адам ресурстарын башкаруу, мамлекеттик кызматка кабыл алуу жана тандоонун өзгөчөлүктөрү ж.б.
Ошондой эле тараптар JDS Долбоору (Кызматкерлерди окутуу үчүн стипендияларды берүү долбоору) алкагында кызматташуунун актуалдуу маселелерин өзүнчө талкуулашты.
Жолугушуунун соңунда мамлекеттик кызматтагы адам ресурстарын башкаруу жаатында тыгыз жана жемиштүү кызматташууну улантуу боюнча өз ара каалоолор айтылды.

 2023-жыл, 25-январь