КР ӨКМнин Талас облусу боюнча башкармалыгы Кыргыз Республикасынын “Мамлекеттик жарандык кызмат жана муниципалдык кызмат жөнүндө” мыйзамынын негизинде,
мамлекеттик жарандык кызматынын админитсративдик бош кызмат ордуна сынак жарыялайт:
1.1. КР ӨКМнин Талас облусу боюнча башкармалыгынын Өрт өчүрүү, алдын алуу жана авариялык-куткаруу иштери бөлүмүнүн жетектөөчү адиси (К-А) — 1 орун:
Квалификациялык талаптар:
-Кыргыз Республикасынын жараны болуп саналууга;
-21 жаштан жаш болбоого;
-Кызматтык милдеттерин аткаруу үчүн зарыл болгон көлөмдө мамлекеттик жана расмий тилдерди билүү;
-Кесиптик билимдин деңгээли — жогорку билим, төмөндөгү багыттар боюнча: техникалык илимдери, информатика жана эсептөө техникасы, табият таануу илимдери, архитектура жана курулуш, өзгөчө кырдаалдарда коргонуу, техносфералык жана өрт коопсуздугу, физика жана математика.
1.2. Иш стажы жана тажрыйбасы:
— иш стажына талап коюлбайт.
1.3.Төмөнкүлөрдү билүү:
Жалпы мыйзамдар:
-Кыргыз Республикасынын Конституциясы;
-Кыргыз Республикасынын «Мамлекеттик жарандык кызмат жана муниципалдык кызмат жөнүндө»,
-«Жарандардын кайрылууларын кароо тартиби жөнүндө»,
-«Кыргыз Республикасынын ченемдик укуктук актылары жөнүндө»,
-«Коррупцияга каршы аракеттенүү жөнүндө» мыйзамдары;
-Кыргыз Республикасынын Өкмөтүнүн 2020-жылдын 3-мартындагы №120 токтому менен бекитилген Кыргыз Республикасында иш кагаздарын жүргүзүү боюнча типтүү нускама.
Предметтик мыйзамдар:
— “Өрт коопсуздугу жөнүндө”,
— “Жарандык коргонуу жөнүндө”,
-“Кыйроодон куткаруу кызматтары жана куткаруучулардын статусу жөнүндө” Мыйзамдары.
-Кыргыз Республикасынын Өкмөтүнүн 2018-жылдын 22-августундагы №381 “Кыргыз Республикасында өрт эрежелери жөнүндө”, 2019-жылдын 6-майындагы №214 “Кыргыз Республикасында мамлекеттик өрт көзөмөлү жана өрткө каршы мамлекеттик профилактика жөнүндө жобону бекитүү тууралуу”, 2019-жылдын 28-январындагы №16 “Кыргыз Республикасынын жарандык коргонуу кызматтары жөнүндө”, 2019-жылдын 18-апрелиндеги №179 “Жарандык коргонуунун мамлекеттик тутуму жөнүндө жобону бекитүү тууралуу”, 2018-жылдын 22-ноябрындагы №550 “Кыргыз Республикасынын өзгөчө кырдаалдардын классификациясын жана аларды баалоонун критерийлерин бекитүү жөнүндө” токтомдорун, Кыргыз Республикасынын Министрлер Кабинетинин 2021-жылдын 15-ноябрындагы №262 токтому менен бекитилген Кыргыз Республикасынын Өзгөчө кырдаалдар министрлиги жөнүндө жобону.
1.4.Билгичтиги;
— жарандык коргонуу планын долбоорун иштеп чыгуу, сунуш берүү;
— карталар менен иштей билүү жөндөмү;
— курулуш эрежелери жана нормаларын билүү;
— медицина жана химия боюнча түшүнүгү;
— иш кагаздарын жүргүзүү эрежерин билүү.
1.5. Көндүмдөрү:
— ченемдик укуктук актылар менен иштөө жана аларды тажрыйбада колдонуу;
— натыйжалуу өз ара мамилелерди түзүү, ишкердик этика ченемдерин, ыкмаларын билүү.
Сынакка катышуу үчүн төмөндөгүдөй документтерди тапшыруу керек:
- өзүнүн арызы;
- резюме (электрондук почтаны көрсөтүү менен), өздүк таржымал (соттолугу бар же жок эендиги жөнүндө маалыматты көрсөтүү менен);
- керектүү кесиптик билимин нотариустан күбөлөндүрүлгөн документтердин көчүрмөлөрү;
- нотариустан же акыркы иштеген жеринде күбөлөндүрүлгөн эмгек китепчесинин көчүрмөсү (эмгек стажы бар болсо);
- илимий даража же илимий наамы (бар болсо) ыйгаруу жөнүндө документтеринин көчүрмөлөрү.
- паспортунун көчүрмөсү;
Белгиленген талаптарга туура келбеген документтерди жана маалыматтарды тапшырган жарандарды конкурска катыштырууга жол берилбейт.
Конкурска катышуу үчүн документтерди төмөнкү дарекке жарыя чыккан күндөн баштап 14 календардык күндүн ичинде саат 9.30дан 17.30 чейин тапшыруу керек. Дареги: Талас шаары, Ч.Айтматов көчөсү 370. Маалымат алуу телефондору : (03422) 5-25-01, 0500-323-269, 0700-459-095.