“Кыргыз Республикасынын жергиликтүү өз алдынча башкаруу кубогу”  кичи-футболунун финалдык мелдеши старт алды

This post is also available in: Kyrgyz

“Кыргыз Республикасынын жергиликтүү өз алдынча башкаруу кубогу”  кичи-футболунун финалдык мелдеши старт алды

Бүгүн Бишкек шаарындагы Кожомкул атындагы спорт ордосунда “Кыргыз Республикасынын жергиликтүү өз алдынча башкаруу кубогу” кичи-футбол боюнча республикалык турниринин жыйынтыктоочу оюну болууда.

Турнирдин ачылышына Кыргыз Республикасынын Министрлер Кабинетинин Төрагасынын орун басары Э.Ж. Байсалов, КР Жогорку Кеңешинин депутаты  Эл аралык иштер, коргоо, коопсуздук жана миграция боюнча комитетинин төрагасы У.Б. Примов, КР Министрлер Кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттиктин директору Э.Н. Джантаев, КР ЖӨБ Союзунун жетекчиси               Б. Орозбаевдер катышып куттуктоо сөз сүйлөшүп, жалпысынан командаларга ийгиликтерди каалашты.

Бекитилген жобого ылайык оюндардын 1-баскычы райондор арасында өткөрүлүп ар бир облустан бирден жеңүүчү райондор аныкталган.

1. Ош облусу – Кара-Суу району;
2. Баткен облусу – Баткен району;
3. Жалал-Абад облусу – Ноокен району;
4. Чүй району – Кемин району;
5. Талас облусу – Талас району;
6. Нарын облусу – Жумгал району;
7. Ысык-Көл облусу – Ак-Суу раойну.

Аталган жобого ылайык турнирдин 2-баскычына Кыргыз Республикасынын Министрлер Кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттик жана Кыргыз Республикасынын Жергиликтүү өз алдынча башкарууларынын Союзунан бир команда оюнга катышат.

Ошондой эле, Республикалык маанидеги шаарлардан (Бишкек-Ош) жана облустук маанидеги шаарлардын мэрлеринен түзүлгөн 1 команда жана шаарлардын жергиликтүү кеңештеринин төрагаларынан түзүлгөн 1 команда финалдык баскычка оюн көргөзүшөт. Тактай кетсек, Республикалык мелдештин финалдык баскычында жалпысынан 10 команда катышууда.

Иш-чара, Кыргыз Республикасынын Президентинин 2021-жылдын 29-январындагы №1 “Инсандын руханий-адеп-ахлактык өнүгүүсү жана дене тарбиясы жөнүндө” Жарлыгын ишке ашыруу, жергиликтүү өз алдынча башкаруу органдарынын жетекчилеринин арасында кызматташтыкты, командалык рухту жана мекенчилдикти өнүктүрүү максатында Кыргыз Республикасынын Министрлер Кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттиги Кыргыз Республикасынын Жергиликтүү өз алдынча башкарууларынын Союзу менен биргеликте чыгарылган буйругунун негизинде уюштурулду.

10:00 – 10:30 Мелдештин командаларынын 1-тобу 1-туру.

10:30 – 11:00 Мелдештин командаларынын  2-тобу 1-туру.

11:00 – 11:30 Мелдештин командаларынын  1-тобу 2-туру.

11:30 – 12:00 Мелдештин командаларынын  2-тобу 2-туру

12:00 – 12:30 Мелдештин командаларынын 1-тобу 3-туру.

12:30 – 13:00 Мелдештин командаларынын 2-тобу 3-туру.

13:00 – 14:00 Түштөнүү убактысы.

14:00 – 14:30 Мелдештин командаларынын 1-тобу 4-туру.

14:30 – 15:00 Мелдештин командаларынын 2-тобу 4-туру.

15:00 – 15:30 Мелдештин командаларынын 1-тобу 5-туру.

15:30 – 16:00 Мелдештин командаларынын 2-тобу 5-туру.

16:00 – 16:30 Жарым финалдык мелдеш

17:00 – 17:30 Финалдык мелдеш.

Жыйынтыктоо: 15:30-18:00