Мамлекеттик кызмат бөлүмү

By Сураган Босумбаев  Published On 05.12.2022

This post is also available in: Kyrgyz

Жарандардын кайрылууларын, мамлекеттик органдардын суроо-талаптарын кароо
2022-жылдын ноябрь айында бөлүмгө 47 документ келип түшкөн, анын ичинде 6 арыз. Бардык документтер мыйзамда белгиленген тартипте каралды жана аткарылды. Документтердин аткаруу мөөнөтү бузулган фактылар жок.
Түшкөн каттардын мазмууну төмөнкү маселелерге байланыштуу болгон:
– мамлекеттик кызмат чөйрөсүндөгү мыйзамдардын ченемдерин түшүндүрүү жөнүндө;
-мамлекеттик жана муниципалдык кызмат чөйрөсүндөгү статистикалык маалымат жөнүндө;
– мамлекеттик органдардагы бош орундар боюнча;
– мамлекеттик органдарда өткөрүлгөн конкурстар боюнча жарандардын арыздары.
Мамлекеттик кызматтын ченемдик укуктук базасын өркүндөтүү
Бөлүм Кыргыз Республикасынын “Мамлекеттик жарандык кызмат жана муниципалдык кызмат жөнүндө” Мыйзамына, “Мамлекеттик органдын жана жергиликтүү өз алдынча башкаруу органынын мамлекеттик жарандык кызматынын жана муниципалдык кызматынын кадрлар резервине киргизүү үчүн ачык конкурс өткөрүүнүн, аны түзүүнүн жана иштөөсүнүн тартиби жөнүндө” жобого толуктоолорду жана өзгөртүүлөрдү киргизүү үчүн сунуштарды тиешелүү түзүмдүк бөлүмгө жөнөткөн.
Ошондой эле Кыргыз Республикасынын мамлекеттик жарандык кызматчыларын жана муниципалдык кызматчыларын аттестациялоо жөнүндө жобого, Кыргыз Республикасынын “Аскердик наамдарды, класстык чендерди, атайын класстык чендерди жана атайын наамдарды белгилөө жөнүндө” Мыйзамына өзгөртүүлөрдү киргизүү тууралуу долбоорлор даярдалды.
Мамлекеттик кызмат чөйрөсүндө статистикалык отчеттуулукту түзүү
Бөлүм тарабынан мамлекеттик кызмат чөйрөсүндө “Мамлекеттик кызмат орундарын ээлеген кызматчылардын сапаттык курамы жөнүндө” статистикалык маалымат түзүү боюнча жумуштар аткарылууда. Статистикалык отчеттун жыйынтыгы боюнча жалпыланган маалымат Агенттиктин жетекчилигине, Кыргыз Республикасынын Президентинин Администрациясына жөнөтүлдү. Кыргыз Республикасынын мамлекеттик кызматчыларынын саны жана курамы жөнүндө статистикалык маалыматтардын көрсөткүчтөрү Кыргыз Республикасынын Президентинин Администрациясынын, Кыргыз Республикасынын Жогорку Кеңешинин жана эл аралык уюмдардын ишинде колдонулат.
Мамлекеттик органдарга, жарандарга мамлекеттик жарандык кызмат маселелери боюнча консультациялык, методикалык жана маалыматтык көмөк көрсөтүү
Мамлекеттик жарандык кызмат жаатындагы ченемдик укуктук актылардын кабыл алынганына байланыштуу бөлүм тарабынан мамлекеттик органдарга, ошондой эле жарандарга мамлекеттик жарандык кызмат маселелери боюнча консультациялык, методикалык жана маалыматтык көмөк дайыма көрсөтүлүүдө.
Мамлекеттик органдардын кадрларды башкаруу кызматкерлери менен түзүлгөн атайын WhatsApp группа аркылуу бөлүмдүн кызматкерлери аларга туруктуу негизде консультациялык жардам көрсөтүп турат.
Негизинен төмөнкү маселелер боюнча кайрылуулар түшүүдө:
– мамлекеттик органдардын кадрлар резервине киргизүү үчүн конкурстук тандоонун жол-жоболору жөнүндө;
– мамлекеттик кызматчыларга класстык чендерди берүү боюнча;
– тестирлөөнүн жол-жоболору боюнча;
– мамлекеттик жана муниципалдык кызматчыларды ротациялоо тартиби жөнүндө;
– мамлекеттик кызматчыларды аттестациялоо жөнүндө;
– мамлекеттик кызматчыларга тартиптик жаза колдонуу тартиби ж. б. жөнүндө.
Агенттиктин сайтына мамлекеттик органдардын кадрлар резервине киргизүү үчүн ачык конкурс өткөрүү жөнүндө кулактандырууларын жайгаштыруу
Кыргыз Республикасынын Президентинин 2022-жылдын 2-февралындагы № 24 Жарлыгы менен бекитилген “Мамлекеттик органдын жана жергиликтүү өз алдынча башкаруу органынын мамлекеттик жарандык кызматынын жана муниципалдык кызматынын кадрлар резервине киргизүү үчүн ачык конкурс өткөрүүнүн тартиби жөнүндө” Жобосунун 10-пунктун аткаруу максатында мамлекеттик органдар тарабынан кадрлар резервине киргизүү үчүн ачык конкурс жөнүндө жарыяларынын тексттери жөнөтүлүп, бөлүм тарабынан макулдашылууда. Агенттиктин расмий сайтына (mkk.gov.kg) мамлекеттик органдардын жана алардын ведомстволук бөлүмдөрүнүн 17 жарыясы жайгаштырылды.
Бөлүм мамлекеттик органдын кадрлар резервине киргизүү үчүн ачык конкурстук тандоону өткөрүүдө бирдиктүү эрежелерди сактоо боюнча мамлекеттик органдардын ишин координациялоо боюнча иш алып барууда.

Leave A Reply

Your email address will not be published. Required fields are marked *

*