«Саясат, практика жана ачык маалыматтардын мисалдары»

This post is also available in: Kyrgyz

Кыргыз Республикасынын Министрлер Кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттиктин директору Э.Н. Джантаев «Саясат, практика жана ачык маалыматтардын мисалдары» темасындагы потенциалды өнүктүрүү боюнча семинарга катышты.

Иш- чара Кыргыз Республикасынын Санариптик өнүктүрүү министрлиги менен мамлекеттик кызмат чөйрөсүндөгү Астана Хабы менен биргеликте уюштурулду.

Семинардын ачылышында сүйлөгөн сөзүндө Эльчибек Нуржадыевич Джантаев Астана Хабына өз ара кызматташууга, Кыргызстандын мамлекеттик кызматынын өнүгүшүнө ар дайым колдоо көрсөтүп келе жаткандыгына ыраазылык билдирди.

Ошондой эле Агенттикте болгон акыркы өзгөрүүлөр жана анын ишмердүүлүгү жөнүндө кыскача катышуучуларга маалымат берди.

Андан сырткары өлкөбүздүн жетекчилиги тарабынан коюлган, мамлекеттик башкаруу жана жергиликтүү өз алдынча башкаруу системасын санариптештирүү алкагында жүзөгө ашырылып жаткан иштер менен тааныштырды.

Ошондой эле, мамлекеттик башкаруу системасында, тактап айтканда мамлекеттик жана муниципалдык органдарда «e-Kyzmat» жана «Санарип аймак» аттуу эки автоматташтырылган маалыматтык система жөнүндө кененирээк айтып берди.

Leave A Reply Cancel reply

Архивы