Кыргыз Республикасынын мамлекеттик жарандык кызматынын жана муниципалдык кызматынын кезектеги отуруму болуп өттү

Кыргыз Республикасынын Мамлекеттик кадр кызматында 2020-жылдын 29-декабрында Кыргыз Республикасынын мамлекеттик жарандык кызматынын жана муниципалдык кызматынын кезектеги отуруму болуп өттү. Отурум Кыргыз Республикасынын Мамлекеттик кадр кызматынын директору Абдырахман Маматалиевдин төрагалыгы алдында өткөрүлдү.

Кеңештин отурумунда төмөнкү маселелер каралды:

— Кыргыз Республикасынын Өкмөтүнө караштуу Жер ресурстары боюнча мамлекеттик агенттигинин статс-катчысынын кызмат ордуна Улуттук кадрлар резервиндеги талапкер менен аңгемелешүү өткөрүү;

— Кыргыз Республикасынын Өкмөтүнө караштуу ветеринардык жана фитосанитардык коопсуздук боюнча мамлекеттик инспекциясынын директорунун инспекциянын статс-катчысынын ээлеген кызмат ордунан бошотуу жөнүндө сунушун кароо;

— Кыргыз Республикасынын айыл чарба, тамак-аш өнөр жай жана мелиорация министрлигинин статс-катчысынын эмгек тартиби жана эмгек ишмердиги боюнча маселесин кароо;

— Кыргыз Республикасынын мамлекеттик органдарынын статс-катчыларын ротациялоо маселесин кароо;

— Кыргыз Республикасынын мамлекеттик жана муниципалдык кызматчыларынын этикасынын кодексине өзгөртүүлөрдү жана толуктоолорду киргизүү;

— Кыргыз Республикасынын Мамлекеттик кадр кызматынын сыйлыктары жөнүндө жобосуна өзгөртүүлөрдү жана толуктоолорду киргизүү жөнүндө;

— Ар кандай маселелер.

Кеңеш күн тартипке коюлган бардык маселелерди карап чыгып, төмөнкү чечимдерди кабыл алды:

— Кыргыз Республикасынын Өкмөтүнө караштуу жер ресурстары боюнча Мамлекеттик агентигинин статс-катчысы кызматына Улуттук кадрлар резервиндеги талапкерди Кеңеш дайындоого сунуштаган жок;решений:

— Кыргыз Республикасынын Өкмөтүнө караштуу ветеринардык жана фитосанитардык коопсуздук боюнча мамлекеттик инспекциясынын директорунун

аталган органдын статс-катчысынын ээлеген кызмат ордунан бошотуу сунушун Кеңештин кийинки отурумунда кароо;

— Айыл чарба, мелиорация жана тамак-аш өнөржайы министрлигинин статс-катчысынын эмгек тартиби маселеси боюнча ага эскертүү берүү;

— Кыргыз Республикасынын Өкмөтүнө караштуу ветеринардык жана фитосанитардык коопсуздук боюнча мамлекеттик инспекциясынын директорунун аталган органдын статс-катчысынын ээлеген кызмат ордунан бошотуу сунушун Кеңештин кийинки отурумунда кароо;

— Мамлекеттик жана муниципалдык кызматчылардын этикасынын кодексине өзгөртүүлөрдү киргизүү боюнча маселени кайра иштеп чыгуу;

— КР Мамлекеттик кадр кызматынын сыйлыктары жөнүндө жобого өзгөртүүлөрдү жана толуктоолорду киргизүүгө макулдук берүү.