Тон районунун Кажы-Сай айыл ѳкмѳтү муниципалдык административдик бош кызмат орундарын ээлөөгө карата кадрлар резервине киргизүү үчүн ачык сынак жарыялайт

This post is also available in: Kyrgyz

Кадрлар резервине киргизүү үчүн талапкер төмөндөгү талаптарга ылайык келиши керек:

1. Кыргыз Республикасынын жараны;
2. Жаш курагы – 18 жаштан жогору;
3. Кадрлар резервине киргизүү үчүн, мыйзамда белгиленген квалификациялык талаптарга ылайык келиши керек.
4. Кыргыз Республикасынын жалпы мыйзамдарын билүү:Кыргыз Республикасынын Конституциясы, “Жарандардын кайрылууларын кароо тартиби жөнүндө”, “Кыргыз Республикасынын ченемдик укуктук актылары жөнүндө”, “Коррупцияга каршы аракеттенүү жөнүндө”, Кыргыз Республикасынын “Мамлекеттик жарандык кызмат жана муниципалдык кызмат жөнүндө” мыйзамдары, Мамлекеттик жарандык кызмат жана муниципалдык кызмат боюнча кеңешинин 2016-жылдын 19-августундагы №43 токтому менен бекитилген “Кыргыз Республикасынын мамлекеттик жана муниципалдык кызматчыларынын этикасынын кодекси”, Кыргыз Республикасынын Өкмөтүнүн 2020-жылдын 3-мартындагы №120 токтому менен бекитилген, Кыргыз Республикасында иш кагаздарын жүргүзүү боюнча типтүү нускама.
5. Кызматтык милдеттерди аткаруу үчүн зарыл болгон көлөмдө мамлекеттик жана расмий тилдерди билүү.

Кенже  топтогу административдик муниципалдык кызмат орду (кирешелер боюнча  жетектөөчү адис)

     1) кесиптик билимдин деңгээли:

– тиешелүү багыттагы жогорку кесиптик билим же тиешелүү багыттагы орто кесиптик билим (экономика жана башкаруу, социалдык илимдер, гуманитардык илимдер, педагогикалык билим берүү);

2) иш стажы жана тажрыйбасы:

– иш стажына талап коюлбайт;

3) кесиптик компетенттүүлүгү:

– төмөнкүлөрдү билүү:

Кыргыз Республикасынын жалпы мыйзамдарын, ошондой эле тиешелүү тармактагы мыйзамдарды:

Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө”, “Салык Кодекси” “КР Конституциясын” Жарандардын кайрылууларын кароо тартиби жѳнүндѳ”  Мыйзамдарын билүүсү зарыл.

кызматтык милдеттерин аткаруу үчүн зарыл болгон көлөмдө мамлекеттик жана/же расмий тилдерди;

– билгичтиги:

жогору турган жетекчилердин тапшырмаларын сапаттуу аткаруу;

документтерди, маалыматтарды, суроо-талаптарга жоопторду сапаттуу даярдоо;

тиешелүү чөйрөдөгү ата мекендик жана чет өлкөлүк тажрыйбаны талдоо жана аны практикалык иште колдонуу;

кызматтык милдеттерге ылайык өз ишин натыйжалуу пландаштыруу;

жарандардын кайрылууларын кароо жана жоопторду даярдоо;

мамлекеттик жана/же расмий тилдерде иштиктүү кат алышуу;

командада иштөө;

– көндүмдөрү:

ченемдик укуктук актылар менен иштөө жана аларды практикада колдонуу;

компьютердик жана уюштуруу техникасын, зарыл болгон программалык продуктуларды колдоно билүү.

Документтер Тон  районунун  Кажы-Сай   айыл аймагынын  айыл өкмөтүндө, 2022 – жылдын 25-сентябрына чейин  кабыл алынат. Кошумча маалыматтарды алуу үчүн төмөндөгү    телефонго кайрылыныздар:  0 (3947)  92127, дареги: Кажы-Сай айылы  Жунушова көчөсү №1