Баткенде кичи футбол боюнча “Кыргыз Республикасынын жергиликтүү өз алдынча башкаруу кубогунун” облустук этабынын жеңүүчүсү аныкталды

Кыргыз Республикасынын Президентинин 2021-жылдын 29-январындагы “Инсандын руханий-адеп-ахлактык өнүгүүсү жана дене тарбиясы жөнүндө” № 1 Жарлыгын аткаруу максатында, “Кыргыз Республикасынын жергиликтүү өз алдынча башкаруу кубогуна” багытталган кичи-футбол боюнча райондор арасындагы мелдеш, Баткен шаарындагы Кызыл-Жол орто мектебинин спорттук залында өткөрүлдү. Кыргыз Республикасынын Министрлер Кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттигинин Түштүк аймактар аралык башкармалыгы тарабынан уюштурулган кичи-футболго Баткен, Лейлек жана Кадамжай райондорундагы айыл өкмөт башчыларынын жана айылдык кеңештин депутаттарынын төрагаларынан куралган курама командалар катышты.

Мелдештин жыйынтыгы менен командалар төмөнкүдөй ийгиликке жетише алышты:

– 1-орун – Баткен районунун командасы;

– 2-орун – Лейлек районунун командасы;

– 3-орун – Кадамжай районунун командасы.

Жыйынтыгында командаларга агенттиктин Түштүк аймактар аралык башкармалыгынын дипломдору жана акчалай сыйлыктары ыйгарылды. Мелдештин жеңүүчүсү аталган Баткен районунун командасы, мелдештин республикалык этабына катышууга укук алды.