Кыргыз Республикасынын Жогорку соту Жогорку соту

Кыргыз Республикасынын Жогорку соту Жогорку соттун Аппаратынын мамлекеттик жарандык кызматынын кадрлар резервине киргизүү үчүн административдик кызмат орундардын улук тобуна маалымат-технология багыты боюнча ачык конкурс жарыялайт.
Тандоого катышуу үчүн төмөнкү документтер тапшырылат:
– өзүнүн арызы;
– резюме (электрондук почтаны жана соттуулугу бар же жок экендиги жөнүндө маалыматтарды көрсөтүү менен);
– акыркы иштеген жеринде күбөлөндүрүлгөн негизги жана кошумча билимин (бар болсо) ырастаган документтердин көчүрмөлөрү;
– акыркы иштеген жеринде күбөлөндүрүлгөн эмгек китепчесинин көчүрмөсү (иш стажы бар болсо);
– илимий даражаны жана илимий наамды (бар болсо) ыйгаруу жөнүндө документтердин көчүрмөлөрү;
– паспорттун көчүрмөсү.
Документтерди кабыл алуу 2025-жылдын 8-декабры саат 16.30га чейин жүргүзүлөт.
Кадрлар резервине киргизүү үчүн талапкерлер төмөнкү квалификациялык талаптарга шайкеш келиши керек.
Административдик кызмат орундардын улук тобуна (маалымат – технологиялар багытындагы)
– маалыматтык-коммуникациялык технологиялар жана байланыш жаатында же чектеш облустарда жогорку техникалык билим же болбосо юридикалык жогорку билим;
– мамлекеттик жана/же муниципалдык кызмат стажы 1 жылдан кем эмес же тиешелүү кесиптик чөйрөдөгү иш стажы 3 жылдан кем эмес;
-төмөнкүлөрдү билүү:
Жалпы мыйзамдар
1. Кыргыз Республикасынын Конституциясы;
2. “Жарандардын кайрылууларын кароо тартиби жөнүндө” Кыргыз Республикасынын Мыйзамы;
3. “Мамлекеттик жарандык кызмат жана муниципалдык кызмат жөнүндө” Кыргыз Республикасынын Мыйзамы
4. “Кыргыз Республикасынын ченемдик укуктук актылары жөнүндө” Кыргыз Республикасынын Мыйзамы;
5. “Коррупцияга каршы аракеттенүү жөнүндө” Кыргыз Республикасынын Мыйзамы;
6. “Кыргыз Республикасынын иш кагаздарын жүргүзүү боюнча типтүү Нускамасы”;
7. “Электрондук башкаруу жөнүндө” Кыргыз Республикасынын Мыйзамы;
Предметтин мыйзамдар
8. Кыргыз Республикасынын “Кыргыз Республикасынын судьяларынын статусу жөнүндө” конституциялык Мыйзамы;
9. “Кыргыз Республикасынын Жогорку соту жана жергиликтүү соттор жөнүндө” Кыргыз Республикасынын конституциялык Мыйзамы;
10. “Кыргыз Республикасынын мамлекеттик тили жөнүндө” Кыргыз Республикасынын конституциялык Мыйзамы;
11. Кыргыз Республикасынын Президентинин 2022-жылдын 31-майындагы № 171 Жарлыгы менен бекитилген Кыргыз Республикасынын мамлекеттик жарандык кызматчыларынын жана муниципалдык кызматчыларынын этика кодекси;
12. “Жеке мүнөздөгү маалымат жөнүндө” Кыргыз Республикасынын Мыйзамы;
13. Кыргыз Республикасынын Эмгек кодекси;
14.“Электрондук документ жана электрондук цифралык колтамга жөнүндө” Кыргыз Республикасынын Мыйзамы;
15. Кыргыз Республикасынын Өкмөтүнүн 2017-жылдын 21-ноябрындагы №762-токтому менен бекитилген “Мамлекеттик маалыматтык системалар базасында камтылган маалыматты коргоо” Талаптары;
16. Кыргыз Республикасынын Өкмөтүнүн 2019-жылдын 31-декабрындагы “Мамлекеттик маалыматтык системалар менен байланышкан айрым маселелер жөнүндө” №744-токтому.
– мыйзамдарда каралган учурларда кызматчынын ишти жүзөгө ашыруу үчүн зарыл болгон көлөмдө мамлекеттик жана расмий тилдерди билүү.
Билгичтиги:
-маалыматты жыйноо, талдоо, системалаштыруу жана жалпылоо;
-аналитикалык документтерди даярдоо;
-тиешелүү чөйрөдөгү ата мекендик жана чет өлкөлүк тажрыйбаны талдоо жана практикада колдонуу;
-кесиптештер менен натыйжалуу кызматташуу;
-иштиктүү сүйлөшүүлөрдү жүргүзүү;
-эмгектин жаңы шарттарына адаптациялашуу;
– чоң маалымат массивдери менен иштөөнү билүү, иштеп чыгуу жана жаңы маалыматтарды түзүү;
– МКТ чөйрөсүндө мамлекеттик саясатты жана ченемдик-укуктук актыларды билүү
Көндүмдөрү:
-ченемдик укуктук актылар менен иштөө жана аларды тажрыйбада колдонуу;
-ишти пландоо жана жумуш убакытын туура бөлүштүрүү;
-башкаруучулук чечимдерди ыкчам ишке ашыруу;
-мыйзамдарда каралган учурларда кызматчынын ишин жүзөгө ашуу үчүн зарыл болгон көлөмдө санариптик сабаттуулугу;
-жергиликтүү аймактарды жана домен архитектурасын куруу;
-техникалык жана эсепке алуу документтерин жүргүзүү;
-жетекчиликтин тапшырмаларын ыкчам ишке ашыруу.
Тандоого катышууну каалаган адамдар арызын жана документтерин Кыргыз Республикасынын Жогорку сотуна: Бишкек шаары, Абдумомунов көчөсү, 205 дареги боюнча 107-кабинетке тапшыра алышат.
Ошондой эле “e-Kyzmat” мамлекеттик вакансиялар порталынын жеке кабинети аркылуу электрондук форматта өтүнмө бере алышат.
Өтүнмөгө электрондук форматтагы (сканерленген документтер) документтер тиркелет.
Кошумча маалымат алуу үчүн төмөнкү телефон боюнча кайрылууга болот: 0312 66-15-13 (кадрлар бөлүмү).