Ысык-Ата районунун Кең-Булуң айыл өкмөтү

Ысык-Ата районунун Кең-Булуң айыл өкмөтү

кадрлар резервине киргизүү үчүн ачык конкурс жарыялайт

Кең-Булуң айыл өкмөтүнүн  кенже муниципалдык кызмат орундарына

Администрациялык муниципалдык кызмат орундарына жалпы 

квалификациялык талаптар:

– Кыргыз Республикасынын жараны;

– соттуулугу жок;

– 18 жашка толгон.

Кенже  административдик муниципалдык кызмат орундары үчүн жалпы ченемдик укуктук актылар:

1. Кыргыз Республикасынын Конституциясын;
2. Кыргыз Республикасынын “Мамлекеттик жарандык кызмат жана муниципалдык кызмат жөнүндө” Мыйзамын;

– кызматтык милдеттерин аткаруу үчүн зарыл болгон көлөмдө мамлекеттик жана расмий тилдерди билүү;

– компьютердик сабаттуулук жана зарыл болгон программалык продуктыларды билүү.

Айыл өкмөтүнүн материалдык жоопкерчилик боюнча жетектөөчү адис кызмат ордуна коюлуучу квалификациялык талаптар К-А (1-бирд.)

1. кесиптик билимдин деңгээли:

– жогорку билим же орто кесиптик билим (бухгалтердик эсеп жана аудит, экономика жана башкаруу,  мамлекеттик жана муниципалдык башкаруу, менеджмент).

1. иш стажы жана тажрыйбасы:

– иш стажысына талап коюлбайт;

3) кесиптик компетенциялары:

– Кыргыз Республикасынын “Бюджеттик кодекси”;

– Кыргыз Республикасынын  “Бухгалтердик эсеп жөнүндө”.

• билгичтиги:

• маалыматты жыйноо, талдоо, системалаштыруу жана жалпылоо;
• аналитикалык документтерди даярдоо;
• тиешелүү чөйрөдөгү ата-мекендик жана чет өлкөлүк тажрыйбаны талдоо жана практикада колдонуу;
• кесиптештер менен натыйжалуу кызматташуу;
• иштиктүү сүйлөшүүлөрдү жүргүзүү;
• эмгектин жаңы шарттарына көнүү;

• көндүмдөрү:
• ченемдик укуктук актылар менен иштөө жана аларды тажрыйбада колдонуу;
• ишти пландаштыруу жана жумуш убакытын туура бөлүштүрүү;
• башкаруучулук чечимдерди ыкчам жүзөгө ашыруу.

Тандоого катышуу үчүн төмөнкү документтер берилет:

– жеке арыз;

– резюме (электрондук почтаны көрсөтүү менен), автобиография (соттуулугу бар же жок экендиги жөнүндө маалыматтарды көрсөтүү менен);

– нотариалдык же акыркы иштеген жери боюнча күбөлөндүрүлгөн негизги жана кошумча билимин тастыктаган документтердин көчүрмөлөрү (бар болсо);

– нотариалдык же акыркы иштеген жери боюнча күбөлөндүрүлгөн эмгек китепчесинин көчүрмөсү (иш стажы болсо);

– документтердин көчүрмөлөрү жана окумуштуулук даражаны жана окумуштуулук наамды ыйгаруу (бар болсо);

– паспорттун көчүрмөсү.

         Документтерди 2024–жылдын 4-февралынан 18-февралына чейин Ысык-Ата району, Ивановка айылы, Фурманов көчөсү 29 дареги боюнча, конкурс өткөрүү жөнүндө маалымат жайгаштырылган күндөн тартып 10 жумушчу күндүн ичинде кабыл алынат. Тел.03132-42-5-83; 0707035-314.