Кыргыз Республикасынын Министрлер Кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттиктин директору-Джантаев Эльчибек Нуржадыевич Кытай Элдик Республикасынын Кыргызстандагы элчилигинин Соода-экономикалык суроолор боюнча бөлүмүнүн кеңешчиси —Ли ЮЕ мырза менен жолугушту.
Жолугушууда эки тарап кызматташуунун мындан ары уланышына кызыкдар экенин билдиришти. Агенттиктин директору Э.Н.Джантаев Кытай мамлекети менен кызматташуунун алкагындагы мамлекеттик жана муниципалдык кызматчылардын квалификациясын жогорулатуудагы окутуу иштеринин натыйжалуулугун артырууда офлайн форматка өтүү, жеринде барып практика менен айкалыштыруу учур талабы экенин баса белгилей кетти.
Кытай тарап, Агенттиктин жетекчисинин сунуштарын эске алаарын, өз өлкөсүнүн айрым аймактарында пандемиялык кырдаал дагы деле бар экенине токтолуп 2023-жылга карап көрүүнү жогорку жакка жеткизерин убадалады.
Тактай кетсек эки өлкө ортосундагы кол коюлган кызматташуу боюнча мемарандумдардын алкагында Кыргызстандын мамлекеттик жана муниципалдык кызматчыларынын квалификациясын көтөрүү максатында Кытай мамлекети окутуп берүү милдетин алган. Дүйнөлүк пандемия башталгандан бери, кызматташуунун окутуу иштери солгунга учураган же тактап айтсак токтоп калган эле. Бүгүнкү жолугушуудан соң окутуу алкагындагы кызматташуу кайрадан жандандырлып жолго коюлду. Быйылкы жылы кызматкерлерди окутууну Кытай мамлекети онлайн форматында ишке ашыруу ниети бар экенин билдирди.
