Талас районунун Кара-Суу айыл өкмөтү

This post is also available in: Kyrgyz

Талас районунун Кара-Суу айыл өкмөтү мамлекеттик жарандык  кызматтын жана муниципалдык кызматтын административдик кызмат орундарына кадрлардын резервине кирүү үчүн ачык сынак  жарыялайт:

1. Жер, турак-жай, коммуналдык маселелер жана өзгөчө кырдаалдар багыты боюнча. Улук кызмат (С-Б) -1 орун.

Кесиптик билимдин деңгээли: Жогорку кесиптик билим.

Стажы жана иш тажрыйбасы: мамлекеттик жана/ же муниципалдык кызматтагы жыйынды стажы бир жылдан кем эмес же болбосо тиешелүү кесиптик чөйрөдө 3 жылдан кем эмес иш стажы.

Кесиптик компетенттүлүгү:

 Кыргыз Республикасынын Жер кодексин; Кыргыз Республикасынын “Жайыттар жөнүндө” мыйзамын;  Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” мыйзамын; кызматтык милдеттерин аткаруу үчүн зарыл болгон көлөмдө мамлекеттик жана расмий тилдерди билүү.

Билгичтиги:  маалыматты жыйноо,  талдоо, системалаштыруу жана жалпылоо; аналитикалык документтерди даярдоо; тиешелүү чөйрөдөгү ата-мекендик жана чет өлкөлүк тажрыйбаны талдоо жана практикада колдонуу; кесиптештер менен натыйжалуу кызматташуу; иштиктүү сүйлөшүлөрдү жүргүзүү; эмгектин жаны шарттарына  адаптациялашуу;

Көндүмдөрү:  ченемдик укуктук актылар менен иштөө жана аларды тажрыйбада колдонуу; ишти пландаштыруу жана жумуш убакытын туура бөлүштүрүү; башкаруучулук чечимдерди ыкчам жүзөгө ашыруу; компьютердик жана уюштуруу техникасын, зарыл болгон программалык продуктуларды колдоно билүү.

2. Соцалдык маселелер багыты боюнча. Кенже кызмат (М-А)

Кесиптик билимдин деңгээли:Жогорку же болбосо орто кесиптик билим;

Стажы жана иш тажрыйбасы:иш стажына талаптар коюлбайт;

Кесиптик компетенттүлүгү:

Кыргыз Республикасынын “Калкты иш менен камсыз кылууга көмөктөшүү жөнүндө” мыйзамын;

Кыргыз Республикасынын “Кыргыз Республикасындагы мамлекеттик жөлөк пулдар жөнүндө” мыйзамын;

Кыргыз Республикасынын “Жамааттар жана алардын бирикмелери жөнүндө” мыйзамын;

кызматтык милдеттерин аткаруу үчүн зарыл болгон көлөмдө мамлекеттик жана расмий тилдерди билүү.

Билгичтиги: жогору турган жетекчилердин тапшырмаларын сапаттуу аткаруу; документтерди, маалыматтарды, суроо-талаптарга жоопторду сапаттуу даярдоо; тиешелүү чөйрөдөгү ата-мекендик жана чет өлкөлүк тажрыйбаны талдоо жана аны практикалык иште колдонуу;кызматтык милдеттерге ылайык өз ишин натыйжалуу пландоо;жарандардын кайрылууларын кароо жана жоопторду даярдоо; мамлекеттик жана \же расмий тилдерде иштиктүү кат алышуу; командада иштөө.

Көндүмдөрү:  ченемдик укуктук актылар менен иштөө жана аларды пратикада колдонуу; компьютердик жана уюштуруу техникасын, зарыл болгон программалык продуктуларды колдоно билүү.

Сынакка катышуу үчүн төмөндөгүдөй документтерди тапшыруу керек:

-бош кызмат орду көрсөтүлгөн өздүк арыз;

-кадрлар боюнча өздүк баракча, сүрөтү( 4х6-2 даана);

-өмүр баянын (соттолгондугу же соттолбогондугу жөнүндө маалыматты көрсөтүү менен) ;

-резюме (электрондук почтаны көрсөтүү менен);

-паспорттун көчүрмөсүн;

-керектүү кесиптик билимин, эмгек стажын жана квалификациясынын ырастаган документтерин (эмгек китепчесинин, билими, квалификациясын жогоруулаткандыгы, илимий даража же илимий наам берилгендиги жөнүндө документтеринин  көчүрмөлөрү нотариустан же иштеген жериндеги персоналды башкаруу кызматы тарабынан күбөлөндүрүлөт);

        Белгиленген талаптарга туура келбеген документтерди жана маалыматтарды тапшырган жарандарды сынакка катыштырууга жол берилбейт.

       Конкурска катышуу үчүн керектүү документтерди төмөнкү дарекке жарыя чыккан күндөн баштап, 15 календарлык күндүн ичинде саат 9:00дон 17:30га чейин тапшыруусу зарыл.

Дареги: Талас району, Кара-Суу  айылы, А.Нуржигитов көчөсү №44,  Кара-Суу айыл өкмөтүнүн кеңсеси.

Маалымат алуу телефондору: 0706131364, 0773930171.