Кыргыз Республикасынын Мамлекеттик кызмат жана жергиликтүү өз алдынча башкаруу иштери боюнча Мамлекеттик агенттиги жарандар менен ачык диалогду камсыздоо жана мамлекеттик кызмат көрсөтүүлөрдүн сапатын жогорулатуу максатында «Пикир» аттуу QR-код системасын ишке киргизди. Эми ар бир кыргызстандык агенттиктин кызматтын ишине онлайн форматта баа берип, сунуш-пикир калтыруу мүмкүнчүлүгүнө ээ. QR-кодду колдонуу тартиби абдан жөнөкөй: Агенттиктин кире беришинде жайгашкан QR-кодду «Түндүк» мобилдик тиркемеси аркылуу сканерлөө; Чыккан шилтемеге өтүп, тиешелүү кызматка баа берүү; Өз сунуш-пикириңизди калтыруу. Эмне үчүн маанилүү? Ар бир билдирүү дароо катталат жана расмий документ катары эсептелет; Тиешелүү адистер сөзсүз карап чыгып, зарыл учурда чара көрүшөт; Жыйынтык тууралуу жаранга кайрадан маалымат берилет. Жаңы мүмкүнчүлүктүн өзгөчөлүгү «Пикир» системасы мамлекеттик кызмат көрсөтүүлөрдү элдин талабына ылайыкташтырууга, кемчиликтерди ыкчам оңдоого жана сапатты жогорулатууга өбөлгө түзөт. https://mkk.gov.kg/wp-content/uploads/2025/09/WhatsApp-Video-2025-09-30-at-11.26.29.mp4 Жазуулар боюнча багыттоо КЫРГЫЗСТАН «СЭМАУЛ УНДОНГ» КЫЙМЫЛЫ АРКЫЛУУ АЙЫЛ ЖЕРЛЕРИН ӨНҮКТҮРҮҮДӨ КОРЕЯ МЕНЕН КЫЗМАТТАШУУДА
