Кыргыз Республикасынын Министрлер Кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттик                                                                 Арыбаңыздар!

Урматтуу мекендештер, бүгүнкү мамлекеттик тил күнүңүздөр менен куттуктайм!

Акыркы апталарда өлкөбүздүн чегинде, мекенибиздин бүтүндүгүнө каршы аракеттер орун алды. Тилекке каршы ондогон жаркын адамдарыбыздан айрылдык. Материялдык-техникалык чыгымдарга учурадык. Мамлекет башчыбыз Садыр Нургожоевич БУУнун дебаттар жыйынындагы билдирүүсүндө айткандай акырындап материялдык жабырдын ордун толтурса болот. Аттиң дүйнө демекчи, шейит кеткен сакчыларыбыз менен жай тургундардын ордун толтуруу мүмкүн эмес. Апаатта курман болгон мекендештерибиздин жакындарына терең кайгыруу менен көңүл айтам! Тилибиз менен мамлекетибиздин бүтүндүгүн, кол тийгиздигин, коргоп эле эмес, гүлдөп өнүгүшүнө ар бирибиз артыкчылыктуу салымдарыбызды кошуубуз абзел.

Ооба эне тилибиз мамлекеттик тил макамын алганына  33 жыл болуптур.  Эгемендигибиз мына ушул тилибиздин мамлекеттик макамы менен удаалаш келип отурат. Мындайча айтканда тилибиз макам алаары менен мамлекетибиз эгемендикке жеткен эмеспи. Тил менен мамлекетүүлүктү бөлүп кароо эч мүмкүн эмес. Мекен чегин кандай коргосок биз, мамлекеттик тилибизди андан ашыра көздүн карегиндей сактообуз абзел. Дүйнөдө мамлекетсиз бирок улуттук тили бар элдер,  ошону менен бирге мамлекеттик тили жок өлкөлөр дагы жок эмес. Жаратканга шүгүр дешибиз дагы керек экен.  Мамлекетиик тил макамын алуусу соңку тарыхыздын барактарына алтын тамгалар менен жазылып калды десек болот. Бирок кыргыз улуту канча кылым жашаса ошончо тарыхы бар, канча мамлекет курган болсо ошончо мамлекеттик макамы бар тил экенин унутпообуз керек.

Өлкөбүзгө сырттан коркунуч жаралган күндөр да артта калгансыган учурга улай, мамлекеттик тил күнүн келиши да символикалуу көрүнүш болуп олтурат окшойт.

Мамлекеттик тил майрамыңыздар менен!            

Агенттиктин директору  Э.Н. Джантаев

https://www.youtube.com/watch?v=0qMBb9sFMIs