Сиздерди Кыргыз Республикасынын Министрлер Кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттигинин жана жеке өзүмдүн атымдан кирип келген Жаңы жылыңыздар менен ак дилимден куттуктайм!

Жыл жыйынтыгын чыгарып жатып, 2021-жылдагы бир катар олуттуу окуялар менен катар, биздин Агенттик да кайра түзүлгөндүгүнүн натыйжасында жаңы курамга ээ болду. Албетте, мындай жаңылануу бизге дагы да дем, күч берип, жаңыча көз-караш менен иш алып барууга негизги себептердин бири болуусу керек.

Ал эми Сиздер, урматтуу мамлекеттик жана муниципалдык кызматтын кызматкерлери, ары түйшүктүү, ары жооптуу кызматыңыздар менен Кыргызстанды экономикасын бекемдөөгө, демократияны тереңдетүүгө, элибиздин жашоосун жакшыртууга бардык күч-аракетиңиздерди жумшап, өлкөбүздү өнүктүрүүгө өз салымыңыздарды кошооруңуздарга толук ишеним бар.

Кирип келген Жаңы жыл ак тилектин, аруу ниеттин, ынтымактуулуктун жана кубанычтын жылы болуп, иштериңиздерди жаратмандык жана чыгармачыл ийгиликтер коштосун! Сиздерге жана жакындарыңыздарга бекем ден соолук, жаркын маанай, тынчылык жана бакубатчылык каалайм!

Урматым менен,   

Директор                                                                      Э.Н. Джантаев